Cálculo rápido en 3ºA

Como cada viernes hemos practicado el cálculo rápido en la resolución de problemas en equipos de trabajo cooperativo

 

Xogos Populares en Educación Física. Programa Xogade

Esta semana comezamos a desenvolver nas clases de educación física unha Unidade Didáctica de Xogos Populares aproveitando o material que nos prestan dende o programa Xogade. Na sesión de hoxe os nenos de 3º e 4º gozaron poñendo a proba a súa puntería cos xogos dos bolos e da Chave

A CHAVE Trátase dun xogo xenuinamente galego (incluídas as áreas culturalmente galegas dos territorios administrativos de Asturias e León), aínda que semellante a outras prácticas de lanzamento e de precisión doutras culturas peninsulares.

Para practicar este xogo abonda cunha chave (de diferentes tipos en cada zona do país) e cunhas moedas gordas (os pellos) que son lanzadas contra aquela a unha distancia duns 20-30 pasos. O xogo practícase singularmente por parellas, aínda que son factibles competicións individuais e por equipos, e mesmo se utiliza un lanzamento previo para elixir parella.

O sistema de puntuación é complexo e diferente en cada zona do país. Non obstante, basicamente obtéñense oito puntos por cada pello que toque a chave, e incluso un punto para o pello máis próximo cando ninguén atinou. Así e todo, cando a tirada tivo igual éxito nas dúas parellas, ningunha delas anotará ningún punto.

------------------------------------------------------

Os birlos presentan infinidade de variantes en Galicia. Utilízase como exemplo a modalidade de birlos de lastra, do Norte de Lugo.

Precísanse dúas ou máis bólas, construídas de madeira dura e de un a tres quilos, e de cando menos 9 birlos. Debe observarse que tanto uns como outros escachan ou deterióranse con facilidade, e de aí a necesidade de ter repostos. Os birlos teñen entre 7-10 cm de altura, e hainos sen tornear, cos dous extremos cortados permitindo mantelos dereitos no chan, e torneados, cunha soa cara de apoio e coa outra en forma de lámpada eléctrica. As bólas son esféricas, duns 15 cm de diámetro e, a diferencia doutras modalidades, non teñen buratos para suxeitalas.

O xogo practícase nun terreo chan e libre, no que se marca, a zona de lanzamento, o fite, a liña de 15 e a liña de 20 (cando o terreo é suficiente, pódese marcar incluso a de 30). Aínda que non é imprescindible, cómpre que no extremo final do campo exista un obstáculo natural que pare os birlos, dado que é relativamente fácil extravialos.

Interveñen cando menos dous xogadores/as enfrontados, aínda que poden participar catro ou máis, por parellas ou equipos. Situados os nove birlos no seu lugar (permanentemente marcado enriba dunha laxe dura), arrebólase a bóla contra eles tratando de tirar o maior número posible. A puntuación, dun xeito sintético, obtense do seguinte xeito:

- Aqueles birlos que non cheguen á liña de quince obteñen tres puntos cada un.

- Os que pasen da liña de quince, quince puntos cada un.

- Os que pasen da liña de vinte, vinte puntos cada un.

- En contra de todo o dito, aasí e todo, se a bóla non pasa da liña de quince, o xogador/a en cuestión nin suma nin resta puntos.

As partidas acórdanse a sesenta puntos, e gaña o xogador/a, a parella ou o equipo que antes os acade.

 

Scape Room matemático en 3ºA

No día de hoxe o alumnado de 3ºA realizou un scape room matemático na que puxeron en práctica os seus coñecementos en cálculo mental rápido.

 

Carreira preparatoria Campo a Través en Monforte

Este domingo 19 de outubro 14 corredores/as do Colexio Novo participaron na Proba preparatoria de Campo a través disputada no circuito de As Lamas en Monforte de Lemos correspondente ao Campionato Escolar de Cros pertencente ao programa Xogade

Estela, Verónica e Safae participaron en alevín feminino

Evans e William participaron en alevín masculino

Hugo participou en Infantil masculino.

Amina, Chelsy e Erea participaron en benxamín feminino

Alex, Gabriel, Ezequiel e Gael en benxamín masculino.

Alex quedou campión en benxamín masculino, Erea foi campiona en benxamín femenino e Chelsy e Estela conseguiron unha medalla de bronce en benxamín feminino e alevín feminino.